Bo'lim: Yangiliklar

---

---

Mamlakatimizga davlat tashrifi dasturi doirasida Iordaniya Podshohi Abdulla II ibn al-Husayn O‘zbekiston Prezidenti Shavkat Mirziyoyev hamrohligida yurtimizda ishlab chiqarilayotgan eksportbop mahsulotlar ko‘rgazmasi bilan tanishdi.

Samarqand shahridagi Kongress markazida xorijiy bozorlar uchun xalqaro standartlarga javob beradigan keng turdagi yuqori sifatli mahsulotlarn ko‘rgazmaga qo‘yilgan.

Oliy martabali mehmonga tog‘-kon, farmatsevtika, kimyo, to‘qimachilik, zargarlik sanoati, qishloq xo‘jaligi va axborot texnologiyalari kabi sohalardagi texnologik bosqichlar, ishlab chiqarish quvvatlari, innovatsiyalar va qo‘llanilayotgan eng ilg‘or uskunalar haqida batafsil ma’lumot berildi.

Ekspozitsiyadan yuqori qo‘shilgan qiymatga ega tayyor sanoat mahsulotlari namunalari: dori vositalari, tibbiy asbob-uskunalar, mineral o‘g‘itlar, to‘qimachilik, trikotaj va zargarlik buyumlari, hunarmandchilik mahsulotlari, IT yechimlari va boshqalar o‘rin olgan.

Iordaniya yetakchisi O‘zbekiston mahsulotlari va sanoat salohiyatini yuksak baholadi. Davlat rahbarlari yetakchi korxonalar kooperatsiyasini kengaytirish, o‘zaro tajriba almashish va texnologiyalar transferini amalga oshirish muhimligini ta’kidladilar.

---

---

O‘zbekiston Respublikasi Prezidenti Shavkat Mirziyoyevning taklifiga binoan Iordaniya Podshohi Abdulla II ibn al-Husayn davlat tashrifi bilan mamlakatimizda bo‘lib turibdi.

Bugun, 26 avgust kuni Samarqand shahrida tashrifning asosiy tadbirlari Iordaniya rahbarini rasmiy kutib olish marosimidan boshlandi.

Kongress markazi binosi oldidagi maydonda faxriy qorovul saf tortdi. O‘zbekiston Prezidenti oliy martabali mehmonni samimiy qarshi olib, shohsupaga taklif etdi.

Harbiy orkestr ikki mamlakat davlat madhiyalarini ijro etdi.

O‘zbekiston Prezidenti va Iordaniya Podshohi faxriy qorovul safi oldidan o‘tib, rasmiy delegatsiya a’zolarini qutladilar.

---

---

O‘zbekiston-Iordaniya sammiti yakunida birgalikda daraxt ekish marosimi bo‘lib o‘tdi.

O‘zbekiston Prezidenti Shavkat Mirziyoyev va Iordaniya Podshohi Abdulla II ibn al-Husayn Samarqanddagi Kongress markazi bog‘ida eman ekdilar.

Marosim O‘zbekiston-Iordaniya munosabatlarida yangi davr boshlanayotgani hamda yetakchilarning xalqlarimiz o‘rtasidagi do‘stlikni mustahkamlashga intilishi ramzi bo‘ldi.

---

---

Iordaniya Podshohining davlat tashrifi doirasida O‘zbekiston Respublikasi Prezidenti Shavkat Mirziyoyevni Iordaniyaning «An-Nahda» («Renessans») ordeni bilan taqdirlash marosimi bo‘lib o‘tdi.

Ushbu mamlakatning oliy mukofotini davlatimiz rahbariga Iordaniya Hoshimiylar Podshohligi Podshohi Abdulla II ibn al-Husayn shaxsan topshirdi.

– Ushbu mukofotni ko‘p qirrali hamkorlikni kengaytirish borasidagi umumiy sa’y-harakatlarimizning munosib e’tirofi, shuningdek, mamlakatimizda Uchinchi Renessans poydevorini yaratayotgan O‘zbekiston xalqiga do‘stona munosabat va hurmat ifodasi sifatida katta mamnuniyat bilan qabul qilaman, – dedi Prezidentimiz.

Iordaniya Podshohining O‘zbekistonga tarixiy tashrifi va samarali muzokaralar natijasida mamlakatlarimiz o‘rtasidagi munosabatlar yangi sheriklik darajasiga ko‘tarildi.

Yetakchilar siyosiy, savdo-iqtisodiy, investitsiyaviy, transport va madaniy-gumanitar sohalardagi hamkorlikni har tomonlama rivojlantirishga kelishib oldilar.

Davlatimiz rahbari Podshoh Abdulla II ibn al-Husayn Iordaniyaning jadal rivojlanishiga, mamlakatning tinchliksevar tashqi siyosatini amalga oshirishga, xalqaro hamjamiyatdagi nufuzi va ta’siri yuksalishiga qo‘shgan hissasini alohida qayd etdi.

Prezidentimiz ushbu yuksak mukofot O‘zbekiston va Iordaniya xalqlari o‘rtasidagi mustahkam do‘stlik ramzi sifatida munosib o‘rin egallashini ta’kidladi.

Davlatimiz rahbari so‘zining yakunida Podshoh Abdulla II ibn al-Husaynga mukofot uchun yana bir bor minnatdorlik bildirib, Iordaniya xalqiga tinchlik-osoyishtalik va ravnaq tiladi.

---

---

Iordaniya Hoshimiylar Podshohligi Podshohi Abdulla II ibn al-Husayn O‘zbekiston Respublikasi Prezidenti Shavkat Mirziyoyev bilan birgalikda Samarqand xalqaro turizm markazidagi «Boqiy shahar» tarixiy-etnografik majmuasini borib ko‘rdi.

Oliy martabali mehmon xalqimizning boy madaniy merosi, hunarmandchilik va amaliy san’atini aks ettiruvchi ko‘rgazmalarni tomosha qildi. Raqs jamoalarining chiqishlari namoyish etildi.

Bu yerda xalqimizning buyuk o‘tmishi ramzlari to‘plangan, tarixiy shaharlarimizdagi diqqatga sazovor joylarining nusxalari barpo etilgan. Milliy an’analarimiz bilan birga do‘st xalqlar bilan aloqalar tarixi ham aks ettirilgan.

Bunday ma’no-mazmun, tarix va bugungi kun uyg‘unligi mehmonlarda katta taassurot qoldirdi.

O‘zbekiston-Iordaniya sammitining asosiy tadbirlari, shu jumladan oliy darajadagi muzokaralar ertaga, 26-avgust kuni bo‘lib o‘tadi.

---

---

Iordaniya Podshohi Abdulla II ibn al-Husayn O‘zbekiston Respublikasi Prezidenti Shavkat Mirziyoyev hamrohligida qadimiy Samarqand shahrining ulug‘vor tarixiy obidalari bilan tanishdi.

Davlat rahbarlari avval Shohi Zinda majmuasiga tashrif buyurdilar.

Bu yerda Payg‘ambarimiz Muhammad alayhissalomning sahobalaridan biri Qusam ibn Abbos va boshqa arboblarning maqbaralaridan tashkil topgan. Majmuaning tarixiy, madaniy va badiiy ahamiyati shundaki, u me’morchilik va bezak san’atining bir necha asr davomidagi taraqqiyotini aks ettiradi. Shohi Zinda 2001-yilda YUNЕSKOning Butunjahon merosi ro‘yxatiga kiritilgan.

Rasman Payg‘ambarimiz Muhammad alayhissalomning qizi Fotima va kuyovi Ali ibn Abu Tolibning avlodlari hisoblangan Hoshimiylar sulolasi vakili bo‘lgan Iordaniya Podshohi Qusam ibn Abbos xotirasiga hurmat bajo keltirdi. Qur’on tilovat qilindi.

Amir Temur maqbarasi ziyorati chog‘ida Iordaniya delegatsiyasiga buyuk bobomizning davlatchilik siyosati, harbiy mahorati, turli mamlakatlar bilan diplomatik aloqalari haqida so‘zlab berildi. Sohibqiron hayoti va faoliyati, uning davlati o‘z davrining eng ulkan mamlakati bo‘lgani mehmonlarda katta taassurot qoldirdi.

Davlat rahbarlari Mirzo Ulug‘bek, Sherdor va Tillakori madrasalaridan iborat Registon majmuasini ham ziyorat qildilar. Asrlar davomida bu obidalar ilm-fan markazi bo‘lgan, yuzlab olim va tadqiqotchilarni yetishtirgan. O‘zining mukammal joylashuvi va uyg‘unligi  tufayli Registon haqli ravishda Samarqandning «tashrif qog‘ozi» hisoblanadi.

Tanishuv chog‘ida oliy martabali mehmonga ushbu inshootlarning bunyod etilish tarixi va naqshlarining o‘ziga xos jihatlari, maydonda olib borilgan restavratsiya ishlari haqida ma’lumot berildi.

---

---

Prezident Shavkat Mirziyoyev 25-avgust kuni Samarqandga tashrif buyurdi. Ezgu an’anaga muvofiq, avvalo, Imom Buxoriy maqbarasi ziyorat qilindi. Qur’on tilovat etilib, duo o‘qildi.

Davlatimiz rahbari bu yerdagi bunyodkorlik ishlarini ko‘zdan kechirdi.

Buyuk muhaddis bobomizga butun islom olamida ehtirom baland, uning maqbarasini ko‘rish istagidagi insonlar ko‘p. Shu bois ziyoratchilarga sharoitlarni kengaytirish maqsadida bu yerda ulkan majmua barpo etilmoqda.

Ziyoratgohning umumiy maydoni 44 gektar etib kengaytirilgan. Mo‘tabar maqbara, 10 ming kishilik masjid va ma’muriyat binosi qurib bitkazilgan. Majmuaning 4 burchagidagi 75 metrlik minoralar unga mahobat bag‘ishlagan. 

Ayni paytda pardozlash ishlari olib borilmoqda. Peshtoqlar va ayvon devorlariga “Sahihi Buxoriy”dan hadislar bitilmoqda.

Prezidentimiz bu majmua faqat ziyorat emas, ilm-ma’rifat, tarbiya va ibrat maskani bo‘lishi kerakligini ta’kidladi. Imom Buxoriyning buyuk izlanishlari, bilimi va kamoloti bu yerga keluvchilar, ayniqsa, yoshlar uchun ezgu namuna bo‘lishi qayd etildi.

Shu maqsadda yangi majmuada innovatsion muzey ham tashkil etilmoqda. U islom olamida muhaddislar sultoni deya e’tirof etilgan Imom Buxoriyning hayoti va ilmiy merosi, islom ma’rifati rivojiga qo‘shgan hissasini namoyon etadi. Shuningdek, muzeyda Qur’oni karimda ismlari zikr qilingan 25 ta payg‘ambar tarixi, Muhammad alayhissalomning shajarasi, Makka va Madinadagi hayoti, hadislarning jamlanishi va yozilishi haqidagi ma’lumotlar joylashtiriladi.

Ziyoratgoh atrofida mehmonxona va boshqa xizmat ko‘rsatish binolari ham qurilish ishlari yakuniy bosqichga kirgan.

Davlatimiz rahbari qurilishni sifatli bajarish, odamlarga qulayliklarni kengaytirish, majmua atrofida yashil maydonlarni ko‘paytirish bo‘yicha ko‘rsatmalar berdi.

---

O‘zbekiston Respublikasi Prezidentining Farmoni

Mamlakatimizda keng ko‘lamli islohotlarni muvaffaqiyatli amalga oshirish, yurtimizning iqtisodiy taraqqiyoti va xalqimiz farovonligini ta’minlash, Yangi O‘zbekistonning xalqaro miqyosdagi obro‘-e’tibori va nufuzini yuksaltirishga qo‘shgan munosib hissasi, ilg‘or innovatsion texnologiyalarni amaliyotga joriy etish, zamonaviy ishlab chiqarish quvvatlarini yaratish, hududlar infratuzilmasini jadal rivojlantirish borasidagi ulkan xizmatlari, jamiyatimizda ijtimoiy-ma’naviy barqarorlikni saqlash, yosh avlodni Vatanga muhabbat va sadoqat, milliy va umuminsoniy qadriyatlarga hurmat ruhida tarbiyalash yo‘lidagi ibratli faoliyati hamda jamoat ishlaridagi faol ishtiroki uchun quyidagilar mukofotlansin:

«O‘zbekiston Respublikasida xizmat ko‘rsatgan qishloq xo‘jaligi xodimi» faxriy unvoni bilan

Xalilov Nasriddin – Samarqand davlat veterinariya meditsinasi, chorvachilik va biotexnologiyalar universitetining o‘simlikshunoslik va yem-xashak yetishtirish kafedrasi mudiri, Samarqand viloyati

«O‘zbekiston Respublikasida xizmat ko‘rsatgan sanoat xodimi» faxriy unvoni bilan

Kudratov Uktam Aralovich – «Navoiy kon-metallurgiya kombinati» aksiyadorlik jamiyatining Qizilqum kon boshqarmasi «Pistali» koni bosh muhandisining o‘rinbosari

«O‘zbekiston Respublikasida xizmat ko‘rsatgan geolog» faxriy unvoni bilan

Urazmetov Shermuxammat Djumabayevich – «O‘zbekgeofizika» aksiyadorlik jamiyatining «Ustyurt geofizika ekspeditsiyasi» filiali geologiya-geofizika ishlarini istiqbolli prognozlash bo‘limi boshlig‘i

Hamroyev Umarjon Artiqovich – «Navoiyuran» davlat korxonasining «Uran va noyob metallar geologiyasi» ilmiy-ishlab chiqarish markazi geologiya-qidiruv ekspeditsiyasi bosh geologi

«O‘zbekiston Respublikasida xizmat ko‘rsatgan quruvchi» faxriy unvoni bilan

Tursunov Jamshid Yunusovich – O‘zbekiston Respublikasi Transport vazirligi huzuridagi Avtomobil yo‘llari qo‘mitasi raisi

Xidoyatov Sherzod Saidjanovich – O‘zbekiston Respublikasi qurilish va uy-joy kommunal xo‘jaligi vaziri

«O‘zbekiston Respublikasida xizmat ko‘rsatgan tadbirkor» faxriy unvoni bilan

Vaxabov Davron Abdujalalovich – O‘zbekiston Savdo-sanoat palatasi raisi

Saidmuradov Uktam – Samarqand tumanidagi «Stekloplastik» mas’uliyati cheklangan jamiyati raisi, Samarqand viloyati

«O‘zbekiston Respublikasida xizmat ko‘rsatgan fuqaro aviatsiyasi xodimi» faxriy unvoni bilan

Soy Nikolay Valerevich – «Uzbekistan airways» aksiyadorlik jamiyatining Parvozlar xavfsizligi va sifat ta’minoti boshqarmasi uchuvchi-inspektori

«O‘zbekiston Respublikasida xizmat ko‘rsatgan jurnalist» faxriy unvoni bilan

Qudratxo‘ja Sherzodxon Tojiddinxon o‘g‘li – O‘zbekiston jurnalistika va ommaviy kommunikatsiyalar universiteti rektori

«El-yurt hurmati» ordeni bilan

Ayimbetova Gulxatsha Aymanovna – «Ayqulash» qoraqalpoq davlat milliy folklor ansambli vokal artisti, Qoraqalpog‘iston Respublikasi

Ganiyeva Matluba Maxamajanovna – Andijon tumanidagi «Orol» mahalla fuqarolar yig‘ini raisi, Andijon viloyati

Nematova Nargiza Isamiddinovna – Olot tumani hokimi, Buxoro viloyati

Saidov Sirojiddin Saloxovich – O‘zbekiston Respublikasi Oliy Majlisi Senati a’zosi, O‘zbekiston Yozuvchilar uyushmasi raisi

Tumishova Aksavli Moldagaliyevna – O‘zbekiston Respublikasi Oliy Majlisi Senati a’zosi, Zarafshon shahridagi 9-umumiy o‘rta ta’lim maktabi direktori, Navoiy viloyati

«Fidokorona xizmatlari uchun» ordeni bilan

Berdikulov Asatulla Hasanovich – Sardoba tumanidagi «A.Qodiriy» fermer xo‘jaligi boshlig‘i, Sirdaryo viloyati

«Mehnat shuhrati» ordeni bilan

Ishmetov Timur Amindjanovich – O‘zbekiston Respublikasi Markaziy banki raisi

Muradov Mansurdjan Nasirovich – Respublika «Usto» uyushmasi raisi

Xidirov Lochin Shopulotovich – «Navoiy kon-metallurgiya kombinati» aksiyadorlik jamiyatining Markaziy kon boshqarmasi sex uchastka ustasi

«Do‘stlik» ordeni bilan

Akbarjonov Aziz Akbarjon o‘g‘li – «O‘zbekiston sanoat-qurilish banki» aksiyadorlik tijorat banki boshqaruvi raisi

Akramova Xushvaxt Norkulovna – Buxoro shahridagi «Birodar shaharlar» jamiyati raisi, Buxoro viloyati

Arziyev Farhod Nuritdinovich – O‘zbekiston Respublikasining Xitoy Xalq Respublikasidagi Favqulodda va Muxtor Elchisi

Atabayev Shuhrat Xaldarovich – O‘zbekiston Respublikasi aksiyadorlik tijorat Xalq banki boshqaruvi raisi

Baxramov Shamirza Pashayevich – Sirdaryo tumani «Suv yetkazib berish xizmati» davlat muassasasi texnik-gidrometri, Sirdaryo viloyati

Irgasheva Marxamat – Mirzo Ulug‘bek tumanidagi «Asaka» mahalla fuqarolar yig‘ini nuroniylar jamoatchilik kengashi raisi, Toshkent shahri

Ismoilov Xabibidin – Farg‘ona tumanidagi dehqon xo‘jaligi bog‘boni, Farg‘ona viloyati

Israilov Ismail Irkinovich – Toshkent shahridagi «Development and Marketing Group» mas’uliyati cheklangan jamiyati direktorining o‘rinbosari

Kuchkarov Baxrom Tulkinovich – O‘zbekiston Respublikasi Markaziy saylov komissiyasi raisining o‘rinbosari

Qodirov Akmal Sayfulloyevich – «Enter Engineering Pte. Ltd» kompaniyasining Imom Buxoriy majmuasi qurilish loyihasi rahbari

Muxammatova Dilbar Davranovna – Termiz tumanidagi «Namuna» mahalla fuqarolar yig‘ini raisi, Surxondaryo viloyati

Nabiyeva Paraxat Raxmatullayevna – Sharof Rashidov tumanidagi «Hukumatoy Mirzaaliyeva» biolaboratoriyasi rahbari, Jizzax viloyati

Narimbetov Yuldash Ibragimovich – Beruniy tumanidagi shaxsiy tomorqa yer egasi, Qoraqalpog‘iston Respublikasi

Nasirov Kuziboy – Qiziltepa tumanidagi shaxsiy tomorqa yer egasi, Navoiy viloyati

Primov Orifjon Xasanovich – Parkent tumani nuroniylar jamoatchilik kengashi faoli, Toshkent viloyati

Raximova Nigina Xayrullayevna – «Ijtimoiy fikr» respublika jamoatchilik fikrini o‘rganish markazi direktori

Sadovnikov Vladimir Vladimirovich – Namangan shahridagi «Proyekt-servis» mas’uliyati cheklangan jamiyati direktori, Namangan viloyati

Sanayev Ismat Sanayevich – O‘zbekiston Xalq demokratik partiyasi Paxtachi tumani Kengashi raisi, Samarqand viloyati

Seytekov Turganbay Berdanovich – Nukus tumani yo‘llardan foydalanish davlat muassasasi asfalt yotqizish mashinasi haydovchisi, Qoraqalpog‘iston Respublikasi

Sirotin Igor Vasilevich – «Uzbekistan airways technics» mas’uliyati cheklangan jamiyatining G‘arbda ishlab chiqarilgan samolyotlarga texnik xizmat ko‘rsatish markazi muhandisi

Soatov Mumin – Ko‘kdala tumani nuroniylar jamoatchilik kengashi faoli, Qashqadaryo viloyati

Tashmatov Tajidin Satvoldiyevich – Andijon viloyati yo‘llardan muntazam foydalanish davlat muassasasi avtogreyder haydovchisi

Tulyaganov Kudratilla Asatullayevich – «Asaka» aksiyadorlik tijorat banki boshqaruvi raisi

Tursunov Rashit Raxmonovich – «Navoiy kon-metallurgiya kombinati» aksiyadorlik jamiyatining 3-avtobaza boshlig‘i

Umerova Gayane Olegovna – O‘zbekiston Respublikasi Prezidenti Administratsiyasining departament boshlig‘i

Usmanov Ravshan Abrorovich – O‘zbekiston Respublikasining Buyuk Britaniya va Shimoliy Irlandiya Birlashgan Qirolligidagi Favqulodda va Muxtor Elchisi

Fayziyeva Vasila Solixovna – O‘zbekiston Respublikasi Oliy Majlisi Qonunchilik palatasining Fan, ta’lim, madaniyat, sport va yoshlar masalalari qo‘mitasi a’zosi

Fayziyeva Dilorom Xusnitdinovna – O‘zbekiston Respublikasi Oliy Majlisi Qonunchilik palatasining Xalqaro ishlar, mudofaa va xavfsizlik masalalari qo‘mitasi raisi o‘rinbosari

Fedin Aleksandr Grigorevich – Jarqo‘rg‘on tumanidagi «Oqtepa» ov xo‘jaligi boshlig‘i, Surxondaryo viloyati

Xasanov Nazirjon Nabijanovich – «O‘zbektelekom» aksiyadorlik kompaniyasi boshqaruvi raisi

Xojiboyev Erkinjon Valijonovich – Xonobod shahri obodonlashtirish boshqarmasi ko‘kalamzorlashtiruvchisi, Andijon viloyati

Sheraliyev Kurbonali – Xovos tumani nuroniylar jamoatchilik kengashi faoli, Sirdaryo viloyati

Shermatov Zikrilla Shukurovich – «Nuroniy» jamg‘armasining Koson tumani bo‘limi raisi, Qashqadaryo viloyati

Shonagmetova Nina Yefimovna – «O‘rta Chirchiq gidroelektrstansiyalari kaskadi» filialining ishlab chiqarish-texnik bo‘limi yetakchi muhandisi, Toshkent viloyati

«Sodiq xizmatlari uchun» medali bilan

Abdiyev Jaxongir Ibragimovich – O‘zbekiston Respublikasi Soliq qo‘mitasi raisining o‘rinbosari

Abdullayev Tulqin Mansurovich – O‘zbekiston Respublikasi Kadastr agentligi direktorining o‘rinbosari

Abdusattarov Tulkin Sayfullayevich – O‘zbekiston Respublikasi Vazirlar Mahkamasining mas’ul xodimi

Abidov Akmal Djurabayevich – O‘zbekiston Respublikasi Vazirlar Mahkamasining mas’ul xodimi

Avezov Jasurbek Shavkatovich – O‘zbekiston Respublikasi Prezidenti Administratsiyasining mas’ul xodimi

Bekmirzayev Diyorbek Abdugapporovich – O‘zbekiston Respublikasi Vazirlar Mahkamasining mas’ul xodimi

Butayev Orif Aliboyevich – «Mikrokreditbank» aksiyadorlik tijorat banki boshqaruvi raisi

Galtemirov Sharof Qurbanbayevich – O‘zbekiston Respublikasi Vazirlar Mahkamasining mas’ul xodimi

Djaxangirova Ella Anatolevna – O‘zbekiston Respublikasi Prezidenti Administratsiyasining departament boshlig‘i

Jumaniyazov Nodir Kadamovich – O‘zbekiston Respublikasi Prezidenti Administratsiyasining mas’ul xodimi

Jurayev Baxodir Ibragimovich – «Issiqlik elektr stansiyalari» aksiyadorlik jamiyati raisi

Ismailov Murad Valijonovich – O‘zbekiston Respublikasi sport vazirining o‘rinbosari

Isxakova Guzal Gayratovna – O‘zbekiston Respublikasi Prezidenti Administratsiyasining mas’ul xodimi

Kadirov Shuxrat Munavvarovich – O‘zbekiston Respublikasi Raqamli texnologiyalar vazirligi huzuridagi Kosmik tadqiqotlar va texnologiyalar agentligi direktori

Kilichov Timur Masharibovich – O‘zbekiston Respublikasi Prezidenti Administratsiyasining mas’ul xodimi

Qarshiyev Rustam Jo‘rayevich – O‘zbekiston Respublikasi suv xo‘jaligi vazirining o‘rinbosari

Lapasov Ulugbek Xidirovich – O‘zbekiston Respublikasining Birlashgan Millatlar Tashkilotidagi doimiy vakili

Mirakulov Miravzal Mirodilovich – O‘zbekiston Respublikasi Prezidenti Administratsiyasining mas’ul xodimi

Miraxmedov Ziyod Maxamadjanovich – O‘zbekiston Respublikasi Prezidenti Administratsiyasining mas’ul xodimi

Mutalov Zoxiriddin Abdugapurovich  – O‘zbekiston Respublikasi Vazirlar Mahkamasining mas’ul xodimi

Raximova Gulnora Xashimovna – O‘zbekiston Respublikasi iqtisodiyot va moliya vazirining o‘rinbosari

Raxmatov Feruz Kasimovich – O‘zbekiston Respublikasi Prezidenti Administratsiyasining mas’ul xodimi

Saidolimov Saidxon Tal’at o‘g‘li – O‘zbekiston Respublikasi Prezidenti Administratsiyasining mas’ul xodimi

Tangriyev Izzat Raxmatullayevich – O‘zbekiston Respublikasi Vazirlar Mahkamasining mas’ul xodimi

Umarov Olimjon Muxamadjanovich – O‘zbekiston Respublikasi raqamli texnologiyalar vazirining birinchi o‘rinbosari

Xaydarov Jahongir Baxtiyarovich – O‘zbekiston Respublikasi Vazirlar Mahkamasining mas’ul xodimi

Xodjayev Furkat Salimovich – O‘zbekiston Respublikasi Prezidenti Administratsiyasining mas’ul xodimi

Xolmurodov Nozimjon Qosimovich – O‘zbekiston Respublikasi investitsiyalar, sanoat va savdo vazirining birinchi o‘rinbosari

Xolxo‘jayev Saidqahhor Muhammadkarim o‘g‘li – Chilonzor tumani hokimi, Toshkent shahri

Xoshimov Nodirbek Anvarjonovich – O‘zbekiston Respublikasi Vazirlar Mahkamasining mas’ul xodimi

Yuldashev Kaxramon Anvardjanovich – O‘zbekiston Respublikasi qishloq xo‘jaligi vazirining o‘rinbosari

Yusupbayev Shuxrat Mashxurovich – O‘zbekiston Respublikasi Vazirlar Mahkamasining mas’ul xodimi

«Sog‘lom turmush» medali bilan

Tulabayev Mirzaali Erkabayevich – Qo‘qon shahri nuroniylar jamoatchilik kengashi sport targ‘ibotchisi, Farg‘ona viloyati

«Kelajak bunyodkori» medali bilan

Bozorov Mirshodbek Shukur o‘g‘li – Romitan tumanidagi «Tarnaut» mahalla fuqarolar yig‘ini yoshlar yetakchisi, Buxoro viloyati

Majidov Bobomurod Bahronovich – Toshkent shahridagi «Akfa Dream World» mas’uliyati cheklangan jamiyati direktori o‘rinbosari

«Jasorat» medali bilan

Ablayeva Farog‘at Murtazayevna – Uchtepa tumanidagi zargarlik buyumlari yasovchi hunarmand, Toshkent shahri

Jumayeva Shohida Qulmatovna – Sherobod tumanidagi kasb-hunarga o‘qitish markazining «Qorabog‘» o‘quv maskani tikuvchisi, Surxondaryo viloyati

Imomaddinov Xalilla Kamolovich – Shovot tumanidagi «Xo‘jaobod-2018» fermer xo‘jaligi boshlig‘i, Xorazm viloyati

Mansurov Zamir Baqoyevich – Vobkent tumanidagi shaxsiy tomorqa yer egasi, Buxoro viloyati

Oripova Zuxraxon A’zamovna – Oltiariq tumanidagi shaxsiy tomorqa yer egasi, Farg‘ona viloyati

Ro‘ziyeva Shahlo Mansurovna – Tomdi tumani sport maktabining shaxmat bo‘yicha murabbiysi, Navoiy viloyati

Safarov Muzaffar Shavkatovich – Narpay tumanidagi maishiy texnikalarni ta’mirlash ustasi, Samarqand viloyati

Soliyev Lutfullojon Sobitovich – Chust tumanidagi yakka tartibdagi tadbirkor, tikuvchi, Namangan viloyati

Suyunov Mansur Xalilovich – Forish tumanidagi video montaj ustasi, Jizzax viloyati

Turdiqulova Sayora Sharofovna – «Hunarmand» uyushmasining Kitob tumani bo‘limi a’zosi, kashtado‘z, Qashqadaryo viloyati

Xudoyberdiyeva Nodira Xomidjanovna – Shahrixon tumanidagi hunarmand-tikuvchi, Andijon viloyati

Shakirov Ilxam Gavazovich – Oqoltin tumanidagi yakka tartibdagi tadbirkor, fotosuratchi, Sirdaryo viloyati

Sharipov Maksud Kenjayevich – Ellikqal’a tumanidagi avtomobillarni ta’mirlash ustasi, Qoraqalpog‘iston Respublikasi

Ergashev Doniyor Azimovich – «Hunarmand» uyushmasining Bo‘ka tumani bo‘limi a’zosi, yog‘och o‘ymakorligi ustasi, Toshkent viloyati

«Shuhrat» medali bilan
(100 yoshdan oshganlar)

Gadanova Xaticha – Narpay tumani, Samarqand viloyati

Galimova Naziba – Bog‘ot tumani, Xorazm viloyati

Zaripova Narjan – Beruniy tumani, Qoraqalpog‘iston Respublikasi

Imomqulova Suxsurbu – Pop tumani, Namangan viloyati

Kenjayeva Anor – Yangiobod tumani, Jizzax viloyati

Matisaqova Melibu – Buvayda tumani, Farg‘ona viloyati

Narmatov Urazali – Sardoba tumani, Sirdaryo viloyati

Roziyeva Nazmira Mirsultanovna – Mirzo Ulug‘bek tumani, Toshkent shahri

Tabarov Ikram – Sho‘rchi tumani, Surxondaryo viloyati

Tag‘oyev Juraqul – Xatirchi tumani, Navoiy viloyati

Teshayev Achil – Jondor tumani, Buxoro viloyati

Usmonova Mexri – Chinoz tumani, Toshkent viloyati

Shirnazarov Maxmadali – Shahrisabz tumani, Qashqadaryo viloyati

Yuldosheva Chinixon – Paxtaobod tumani, Andijon viloyati

«Shuhrat» medali bilan

Abduraxmonov Iftixor  Ismoilovich – «Temiryo‘linfratuzilma» aksiyadorlik jamiyatining Qo‘qon lokomotiv deposi Andijon filiali teplovoz mashinisti, Andijon viloyati

Abduxakimova Gulfuza Abduraxmanovna – Pastdarg‘om tumanidagi «Buyuk Turon» mahalla fuqarolar yig‘ini xotin-qizlar faoli, Samarqand viloyati

Avazov Elmurod Ro‘zimurodovich – Jarqo‘rg‘on tumani hokimi, Surxondaryo viloyati

Adilov Yuldosh Xasanovich – Mirzacho‘l tumanidagi «Mirzacho‘l servis avto» mas’uliyati cheklangan jamiyati avtobus haydovchisi, Jizzax viloyati

Aliyeva Nodiraxon Ibroximovna – Rishton tumanidagi «Agronom Aliyev» fermer xo‘jaligi boshlig‘i, Farg‘ona viloyati

Alimdjanov Kamiljan Validjanovich – Davlat rezidensiyalariga xizmat ko‘rsatish va tadbirlarni tashkil etish boshqarmasi chilangar-santexnigi

Allabergenov Murodbek Anvarbekovich – O‘zbekiston Respublikasi Iqtisodiyot va moliya vazirligi huzuridagi Loyihalar va import kontraktlarini kompleks ekspertiza qilish markazi direktori

Amanov Oybek Anvarovich – Janubiy dehqonchilik ilmiy-tadqiqot instituti direktori, Qashqadaryo viloyati

Amonov Naim Nasimovich – «Navoiy kon-metallurgiya kombinati» aksiyadorlik jamiyatining Shimoliy kon boshqarmasi direktori

Arashov Jalol Samandarovich – Buxoro viloyati hokimining qurilish, to‘siqlarsiz muhit yaratish, kommunikatsiyalar, kommunal xo‘jalik, ekologiya va ko‘kalamzorlashtirish masalalari bo‘yicha o‘rinbosari

Aripov Baxtiyor Muxamedovich – Andijon tumanidagi «Valley Fish» mas’uliyati cheklangan jamiyati ta’sischisi, Andijon viloyati

Artiqov Meliquzi Mamatqulovich – «Sirdaryo-Zarafshon» irrigatsiya tizimlari havza boshqarmasi ekskavator mashinisti, Jizzax viloyati

Askarova Guljamol Shodmanovna – O‘zbekiston Respublikasi Oila va xotin-qizlar qo‘mitasi bosh mutaxassisi

Baltabayev Xabibulla Mo‘minovich – «UzAuto Motors» aksiyadorlik jamiyatining ishlab chiqarish direksiyasi payvandlash sexi brigada boshlig‘i, Andijon viloyati

Begmatov Abdulla To‘raqulovich – Boyovut tumanidagi «Boyovutlik Humoyun» fermer xo‘jaligi boshlig‘i, Sirdaryo viloyati

G‘oziyev Nurmatjon Nu’monjonovich – Bag‘dod tumani «Chekxitoy» mahalla fuqarolar yig‘inidagi hokim yordamchisi, Farg‘ona viloyati

Davlatov Ibadulla Urakovich – Termiz tumanidagi «Qoraxon-Yangiariq» fermer xo‘jaligi boshlig‘i, Surxondaryo viloyati

Dadaxodjayev Nosir Ibragimovich – «Toshkent shahar elektr tarmoqlari» mas’uliyati cheklangan jamiyatining izolyatsiya va o‘ta kuchlanishdan himoyalanish ishlab chiqarish xizmati boshlig‘i o‘rinbosari

Dexkanov Aziz Ravshanovich – Davlat rezidensiyalariga xizmat ko‘rsatish va tadbirlarni tashkil etish boshqarmasi mutaxassisi

Djorayev Djasur Sattivayevich – Toshkent shahridagi «12-trest» aksiyadorlik jamiyatining 2-mexanizatsiyalashgan ko‘chma kolonnasi elektr-gaz payvandchisi

Djumabekova Gulzaynat Xusanovna – «Chirchiq transformator zavodi» aksiyadorlik jamiyatining sex g‘altak o‘rovchisi, Toshkent viloyati

Yodgorov Shuxrat O‘razbayevich – «Navoiy kon-metallurgiya kombinati» aksiyadorlik jamiyatining Markaziy kon boshqarmasi «Muruntog‘» koni uchastka portlatuvchisi

Imamberdiyev Nadir Askarovich – «Olmaliq kon-metallurgiya kombinati» aksiyadorlik jamiyatining 3-Mis boyitish fabrikasi yanchish va flotatsiyalash sexi tegirmon mashinisti

Iminov Abdulaziz Turdiyevich – Toshkent shahridagi «Green TV» mas’uliyati cheklangan jamiyati mutaxassisi

Irgashev Elyor Aglamovich – «Gidroproyekt» aksiyadorlik jamiyati bosh muhandisi

Kutlimuratova Nigora Masharipovna – Xorazm viloyati hokimining o‘rinbosari – oila va xotin-qizlar boshqarmasi boshlig‘i

Qodirov Alisher Abdulaxatovich – Qashqadaryo viloyati hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari

Qodirov Ro‘zimboy Qurbanovich – «Chapqirg‘oq Amudaryo» irrigatsiya tizimlari havza boshqarmasi ekskavatorchisi, Xorazm viloyati

Magzamov Azamat Paraxatovich – Kegeyli tumani «Juzim bag‘» ovul fuqarolar yig‘inidagi hokim yordamchisi, Qoraqalpog‘iston Respublikasi

Madatova Onara Djurakulovna – Xatirchi tumanidagi «Langar» mahalla fuqarolar yig‘ini raisi, Navoiy viloyati

Malikova Gulchexra Rixsixo‘jayevna – O‘zbekiston Respublikasi Prezidenti huzuridagi Qonunchilik va huquqiy siyosat instituti bosh ilmiy xodimi

Mamarajabova Bahora Dilmurodovna – «Hunarmand» uyushmasining Navoiy viloyati boshqarmasi a’zosi, kashtachi

Mamatmo‘minov Akmal Jaylovovich – Angor tumanidagi shaxsiy tomorqa yer egasi, Surxondaryo viloyati

Mansurov Axror Axmadaliyevich – Mingbuloq tumani hokimi, Namangan viloyati

Minovarxodjayev Ubaydulla Taxtayevich – Yashnobod tumanidagi «Behizor» mahalla fuqarolar yig‘ini raisi, Toshkent shahri

Mirzayev Nurali Askaraliyevich – O‘zbekiston Respublikasi Prezidenti Administratsiyasining mutaxassisi

Musurmanova Shoira Akboyevna – Bulung‘ur tumanidagi «Guliston» mahalla fuqarolar yig‘ini kompleks ijtimoiy xizmat ko‘rsatuvchi xodimi, Samarqand viloyati

Nazarov Erkin Ergashovich – Yashnobod tumanidagi «Yashnobod maxsustrans» avtotransport filiali haydovchisi, Toshkent shahri

Nasirova Firuza Rufatovna – Navoiy shahar soliq inspeksiyasining mahallalarga biriktirilgan soliq inspektorlari sho‘basi davlat soliq katta inspektori, Navoiy viloyati

Nurmatova Umigulsin Umirzokovna – To‘raqo‘rg‘on tumanidagi «Mozorko‘hna» mahalla fuqarolar yig‘ini xotin-qizlar faoli, Namangan viloyati

Nurmetova Yelizaveta Viktorovna – «Toshkent metropoliteni» davlat unitar korxonasining harakat xizmati poyezd dispetcheri, Toshkent shahri

Nurullayev Zafar Dehqonovich – Samarqand shahri obodonlashtirish boshqarmasining Siyob hududi boshlig‘i, Samarqand viloyati

Obidov Voxid To‘xtasinovich – Yozyovon tumanidagi «Mezon» fermer xo‘jaligi boshlig‘i, Farg‘ona viloyati

Otajanova Raxima – Shovot tumani nuroniylar jamoatchilik kengashi faoli, Xorazm viloyati

Parpiyev Po‘latjon Rasulovich – Norin tumanidagi «Rovot» mahalla fuqarolar yig‘ini raisining keksalar va faxriylar bo‘yicha maslahatchisi, Namangan viloyati

Rayimov Alisher Abdumalikovich – Angren shahar hokimi, Toshkent viloyati

Raximov Yokubjan Abdullajanovich – Uchqo‘rg‘on tumanidagi «Iminjon Muharram Bonu» fermer xo‘jaligi traktor haydovchisi, Namangan viloyati

Raxmatillayev Ozatbek Zaripovich – Urganch tumanidagi «Davlat-Raxmatulla» fermer xo‘jaligi boshlig‘i, Xorazm viloyati

Rizayev Fazliddin Ismoilovich – Samarqand shahridagi «Samarqand avtomobil zavodi» mas’uliyati cheklangan jamiyati bosh texnologi, Samarqand viloyati

Ruziyev Azamat Abdirashidovich – Qorako‘l tumani «Mirzaqal’a» mahalla fuqarolar yig‘inidagi hokim yordamchisi, Buxoro viloyati

Ro‘ziyev Ruslan Nasirovich – Konimex tumani hokimi, Navoiy viloyati

Ro‘zmetova Zebiniso Jumanazarovna – Qo‘shko‘pir tumanidagi «Kenagas» bioservisi rahbari, Xorazm viloyati

Sayidmusayev Sayidbaxrom Sayidburxonovich – So‘x tumani hokimi, Farg‘ona viloyati

Samaqova Masturaxon Ergashevna – O‘zbekiston tumanidagi «Yaypan agropilla» mas’uliyati cheklangan jamiyati bosh agronomi, Farg‘ona viloyati

Soriyev Sherzod Eshonkulovich – Paxtakor tumanidagi «Sher-Ulug‘-Jahon» fermer xo‘jaligi boshlig‘i, Jizzax viloyati

Sulaymanova Gulsima Baxitjanovna – Mo‘ynoq tumanidagi «Qozoqdaryo» ovul fuqarolar yig‘ini raisi, Qoraqalpog‘iston Respublikasi

Sultonov Nuriddin Abduxamidovich – O‘zbekiston Respublikasi Oliy Majlisi Qonunchilik palatasining Tadbirkorlik, raqobatni rivojlantirish va sanoat masalalari qo‘mitasi a’zosi

Toynbayev Abdikadir Eraliyevich – «Sho‘ro‘zak-Sirdaryo» irrigatsiya tizimi boshqarmasining tumanlararo kanallar bo‘limi O‘ng tarmoq kanali gidrotexnigi, Sirdaryo viloyati

Tursunboyeva Dilfuza Toshboyevna – Baxmal tumanidagi «Muzbuloq» va «Vatanparvar» mahalla fuqarolar yig‘inlari xotin-qizlar faoli, Jizzax viloyati

Tursunova Dilbar Nomozovna – Yakkabog‘ tumani obodonlashtirish boshqarmasi brigada boshlig‘i, Qashqadaryo viloyati

Tursunova Norbibi Mardanovna – Bekobod tumanidagi «Oltin pilla» mas’uliyati cheklangan jamiyati pillachisi, Toshkent viloyati

Ulugov Asrorjon Askaraliyevich – «O‘zbekgidroenergo» aksiyadorlik jamiyatining «To‘polang GES» filiali direktori

Fazilova Fatima Muradullayevna – «O‘zbekgidrogeologiya» davlat muassasasining G‘arbiy O‘zbekiston dala gidrogeologiya ekspeditsiyasi gidrogeologiya partiyalari yetakchi gidrogeologi, Surxondaryo viloyati

Xudoyberdiyeva Muqaddas Abdulxakovna – Guliston tumanidagi «Sohil», «Boyovut» va «Terakzor» mahalla fuqarolar yig‘inlari xotin-qizlar faoli, Sirdaryo viloyati

Haydarov Ilg‘or Barakayevich – Shofirkon tumanidagi «Azim Shofirkon yulduzi» fermer xo‘jaligi traktor haydovchisi, Buxoro viloyati

Shertoyloqova Gavxaroy Numanjon qizi – «O‘zbekiston milliy metrologiya instituti» davlat muassasasining Andijon viloyati filiali bo‘lim bosh mutaxassisi

Yusupov Olim Qodirqulovich – Parkent tumanidagi «Sayyoh-2000» mas’uliyati cheklangan jamiyati rahbari, Toshkent viloyati

O‘zbekiston Respublikasi Prezidenti

Sh.Mirziyoyev

---

---

O‘zbekiston Respublikasi Prezidenti Shavkat Mirziyoyev Samarqand shahriga jo‘nab ketdi.

25-26-avgust kunlari Iordaniya Hoshimiylar Podshohligi Podshohi Abdulla II ibn al-Husayn davlat tashrif bilan mamlakatimizda bo‘ladi.

Samarqandda bo‘lib o‘tadigan oliy darajadagi muzokaralarda siyosiy, savdo-iqtisodiy va investitsiyaviy hamkorlikni rivojlantirish masalalari ko‘rib chiqiladi.